Бес парыздың бірі - намаз

Намаз – мұсылман болған ер кісі мен әйелге праыз. Намаздың парыз болу шарттары – мұсылман болуы балиғат жасына жету, ақыл-есінің дұрыс болуы. Намаз – сөзінің мағынасы «дұға ету». Хазірет Мұхаммед пайғамбарға (с.а.у) бес уақыт намаз Миғраж түнінде парыз етілді. Намаз – Аллаға деген сансыз шүкірлерді көрсететін ғибадат. Бес уақыт намаз: таң намазы, бесін намаз, екінті намазы, ақшам намазы, құптан намазы. Уақыты кірмей, ешқандай намаз оқылмайды. Намаздың түрлері: парыз, уәжіп, нәпіл.

Парыз намаздар – «айн парыз» (жалқы парыз), және «кифая парыз» (жалпы парыз) болып екіге бөлінеді. Айн парыз намаз – балиғатқа толған барлық мұсылмандарға парыз, әрқайсысы жеке іске асыруға міндетті. Айн парызға бес уақыт намаз және жұма намазы жатады. Кифая намазы – бір мұсылман қайтыс болғанда, жақындары мен таныстары, жалпы мұсылмандардың оқитын жаназа намазы.

Уәжіп намаз мұсылманның іс-әрекетіне байланысы жоқ және тікелей байланысы бар уәжіп деп екіге бөлінеді. Алғашқы топтағы уәжіп намаздарға – құптан намазынан кейін оқылатын үш ракағат үтір намазы мен Рамазн және Құрбан айтта оқылатын айт намаздары жатады. Екінші топқа нәзір (атау) намазы, қателік сәждесі басталып, аяқталмай бұзвлған намаздардың қазасы жатады. 

Жұма намазы – ислам дінінде өте маңызды, жамағатпен бірге оқылатын ғибадат. Пайғамбарымыздың хадистерінде жұма күнінде дұғаалрдың қабыл болатын арнайы бір сәттің бар екендігі айтылады. Мұсылмандар жұма күні Құран оқу, намаз оқу, салауат айту тәрізді ғибадаттар жасауы керек. Мұсылмандар тазаланып, ғұсыл алып, таза киім киіп, хош иіс сеуіп мешітке жұма намазына барады. Мұсылмандар жұма намазында жиналып, бір-бірімен қауышады.