Фараби атындағы Еуразия ғылыми-зерттеу орталығындағы тағылымдама

Әл-Фараби атындағы Қазақ ұлттық университеті – жетекші жоғары оқу орны, Қазақстанның ірі білім беру және ғылым орталығы. Университет жеке және кәсіби тұлға ретінде өзін-өзі жүзеге асыру және қалыптасу үшін көптеген мүмкіндіктерді ұсынады. Осындай мүмкіндіктердің бірі – шетелдік тағылымдама. Магистратурада оқу – шетелге баруға және таптырмас тәжірибе алуға мүмкіндік береді. Әлем университеттерімен жақсы қарым-қатынас орнатып, оқытушы профессорлардың, жас ғалымдардың шетелдік ғылым ордаларында білім алып, тәжірибе алмасуына барлық жағдайды жасауда. Аталған университеттің басты серіктестерінің бірі – Стамбул университетінің Әл-Фараби атындағы Еуразия ғылыми-зерттеу орталығы.

Біз, "Дінтану" мамандығының түлегі ретінде осы аталған орталықта магистранттарға арналған тағылымдама бағдарламасы аясында 2019 жылдың 01-11 наурыз аралығында шетелдік тағылымдамадан өтуге мүмкіндік алдық. Орталықтағы, Стамбул университетіндегі кітапханаларды еркін пайдалануға,  қызықты тақырыпты зерттеуге, орталық зерттеушілерімен пікір алмасуға жағдай жасалынған.

Қазақ ұлттық университеті жас ғалымдарға ғылыми-зерттеу жұмысын жүргізу үшін барынша көмектесуде. Осылайша, әл-Фараби атындағы Қазақ ұлттық университетінде білім алу баға жетпес тәжірибе алуға және өз әлеуетін жүзеге асыруға нақты мүмкіндік береді. Бізде тағылымдамадан өту арқылы ғылыми-зерттеу жұмысымыз үшін де, өзіміз үшін де көптеген ақпараттар мен көп тәжірибе жинадық.

Авторлар: Әл-Фараби атындағы Қазақ ұлттық университетінің 2 курс магистранттары Исаков Бекмұрат, Сагнадина Айгерим

Ғылыми жетекшілер: Әл-Фараби атындағы ҚазҰУ, Дінтану және мәдениеттану кафедрасының ф.ғ.д., профессоры Байтенова Н.Ж., Борбасова Қ.М.