Жастар порталы
Саумалдың қасиеті
07.10.2020 868 0 aiko

Саумалдың қасиеті

Ас - адамның арқауы

     Саумал – жаңа сауылған бие сүті. Одан қымыз ашытылады. Кейде суытып, қымыздың қорына қосылған сүтін «саумал» деп те атайды.

       Сүтті сауғанда қалайы ыдысқа сауса шипалық қасиетін тез жояды. Саумалды қыш ыдысқа, не болмаса ысталған қауаққа сауады. Тағы бір ескертетін жәйт, саумалды бір ыдыстан келесі ыдысқа қотарып мазалай бермейді. Саумалдың шипалы болуына, қымыздың емдік қасиетіне – жылқының жайылымы, жеген шөбі, ішкен суы мен ауасының да әсері бар.

Саумалдың шипалық қасиеті  қырыққа жуық аурудың алдын алады. Әсіресе асқазан, қырыққатпаршақ, өт, бауыр, тоқішек қабынуының алдын алуда маңызы зор. Қан кеселіне тосқауыл, оны «қанның сүзгісі» деп орынды атайды. Ағзаның ауруға қарсы белсенділігін күшейтеді. Обыр клеткаларына тосқауыл болып, буын ауруларына пайдасы тиеді. Ғалымдардың пайымдауынша, саумал – жеңіл қорытылатын белсенді биологиялық өнім. Ол ағзаға сіңірілуі кезінде асқорыту үдерісіне қатысатын ағзаларға (асқазан, ұйқы безі, бауыр, ішек) үлкен жүктеме жасамайды. Сондықтан, дененің қалыпқа келу үдерісін жылдамдатады. Саумал метаболизмді қалыпқа келтіруге, суық тию мен тұмаудың алдын алуға және қатерлі ісік ауруын емдеу үшін қолданылады. Сондай-ақ, саумалдың көмегімен, иммундық жүйенің қызметін жақсартуға және асқазанның ойық жарасын емдеуге болады. Бие сүтінде көптеген дәрумендер, микроэлементтер және басқа да биологиялық белсенді заттар мол. Айта кетерлігі, мұндағы кейбір микроэлементтер, басқа сүт өнімдерінде кездеспейді. Саумалдың құрамындағы С дәруменінің мөлшері сиыр сүтінен 7 есеге жоғары. Қазірде Еуропа ғалымдарының өзі саумалды емдік және диеталық өнім ретінде пайдалануға кеңес береді. 

Көптеген адамдар бие сүтін қалай қолдану керектігін біле бермейді. Негізінде саумалды күніне 4-5 рет, тамақтанудың алдында 20-30 минут бұрын, 250 милиграммнан ішкен абзал. Ем осылай жалғаса берсе бір аптадан кейін, адамның көңіл-күйі көтеріліп, ұйқысы жақсарып, асқа деген тәбеті ашылады. Емделу уақыты – 1 ай. Бие сүті сауылғаннан кейін 3 сағаттың ішінде негізгі қасиеттерін жоғалтады, мұны да біле жүрген жөн. Бірақ саумалды мұздату арқылы «өмірін» ұзартуға болады. Осылай еткенде табиғи өнім барлық биологиялық белсенді компоненттер мен дәрумендерді өз бойында сақтайды.


Мәліметтер алынған дереккөздер: Қазақстан әйелдер журналы. №07-08.2020. (шілде/тамыз). 36 б.

Жеміс-жидектің пайдасы Жеміс-жидектің пайдасы
Біз көбінесе түрлі жеміс-жидектер мен өсіпдіктердің денсаулығымызға тигізер пайдасына баса мән бермей жатамыз. Олардың құрамында адам ағзасына шипасы
Бүлдіршін жастағы балалардың тағамы және оларды тамақтандыру қағидаттары Бүлдіршін жастағы балалардың тағамы және оларды
Балаларды ерте жастан дұрыс тамақтандырмау инфекцияға қарсы тұру қабілетінің төмендеуінен болатын ауырулармен жиі ауыруына, сондай-ақ физикалық және
Банан торт Банан торт
Құрамы: -Жеміс шырын 150 г -Жұмыртқа 2 дана -Өсімдік майы 160 мл -Майлылығы төмен сүт 160 мл -Банан 2 дана -Ұн 300 мл -Үгітілген шоколад немесе какао
Ағартушы маска Ағартушы маска
Бет терісіндегі пигментті дақтар – көптеген қыз-келіншектердің басты «мәселелерінің» бірі. Сондықтан арулар дақтан арылудың жолдарын қарастырып,
ШЕРБЕТ ШЕРБЕТ
Шербетті ұнатпайтын адам жок шығар. Сол себепті ара-арасында арахиспен шербет дайындап тұруға болады.  Керек заттар:  1 стақан арахис;  1 стақан сүт;
Пікірлер (0)
Пікір білдіру
Пікір білдіру
код көрінбесе қайта басыңыз